Blogger Blogspot Par Free Blog Banane Ke Fayde Kya Hai

Blogger Blogspot Par Free Blog Banane Ke Fayde Kya Hai : Free me blog banane ke liye 2 platform sabse best aur famous hai. Jinme ek blogger.com aur doosra wordpress.com hai. But Agar en dono me compare kiya jaye to aaj kal free blog banane ke liye blogger.com hi logo ki pehli pasand bana hai. Kyuki es platform me unlimited khoobiyan hai. Jinme se kuchh khoobiyo ko mai es post me aap ke sath share kar raha hun.

Blogger blogspot par free blog banane ke fayde kya kya hai

google ke blogger platform par blog banana bahut easy hai. blogger par free blog kaise banaye post ko padh kar aap es ke bare me detail se jaan sakte hai. agar aap ek free blog banana chahte hai, to blogger platform ko hi select kare. because eske bahut se benifits hai. jinko main es post me aapke sath share kar raha hun.

Blogger blogspot me Gmail ke account se hi blog bana sakte hai

aaj ke time me jo bhi internet user hai, uske paas ek gmail account to hota hi hai. Agar nahi hai to gmail ka account bhi free me banaya ja sakta hai. Aur phir es gmail ke account se hi ham blogger.com me login kar sakte hai. kyuki blogger.com ek google ki hi service hai. Aur google ki har service ko ek hi account se manage kiya ja sakta hai. Esliye blogger.com me login karne ke liye kise extra account ki zaroorat nahi padti.

Blogger blogspot me me login karne ke baad 100 blog banaye ja sakte hai

koi bhi ek user apne google ke 1 account se hi blogger.com me login karke 100 blog bana sakta hai. Ye sabhi blog free me ban jayenge. Jo log alag alag topoic par alag alag blog banana pasand karte hai, unke liye ye ek best service hai.

Blogger blogspot me Blogs ko create aur manage karna bahut easy hai

free me 1 blog banana ho to blogger.com par ye bahut hi easy hai. Ham sirf 3 step follow karke hi ek blog bana sakte hai. blogger.com par banaye gaye kisi bhi blog ko manage karna bhi bahut easy hai. Eske liye blogging me koi khas experience hona zaroori nahi hai.

Blogger blogspot ke Blog me sub domain ko hatakar ek achchha domain name add kar sakte hai

ham jab blogger.com par 1 free blog banate hai to hamare blog ka url hsb.blogspot.com jaisa hota hai. Jo ki bahut lamba dikhaei deta hai aur padhne me bhi ajeeb lagta hai. Agar ham chahe to apne es free blog me se blogspot.com hatakar esko  www.abcbig.com ke jaisa bana sakte hai. Jisse hamara blog ek professional website ki tarah nazar aata hai.

Blogger blogspot me Youtube ki video apne blog par show kar sakte hai

agar hamare paas ek youtube channel hai, jis par ham video upload karte hai. To ham apne channel ki video ko apne blog par show kar sakte hai. Jis ki wajah se hamare blog par visit karne wale log aasaani se hamare channel par upload video tak pahuch kar unhe dekh sakte hai. Simple word me kahun to es feature se hamare youtube channel ka permotion free me ho jata hai.

Blogger blogspot me blog hack hone ke chances kam hote hai

agar ham apni taraf se koi galti na kare to koi bhi hacker hamare blog ko hack nahi kar sakta. Kyuki blogger.com par run hone wala hamara blog google ke under me hota hai. Aur google ki security bahut hi high hoti hai.

Blogger blogspot me Template change karne ka option milta hai

jab ham apna free blog blogger.com par banate hai to ham ek free template select karni hoti hai. Agar hame us template ka design pasand na aaye to ham koi dusri template bhi change kar sakte hai. Blogger platform par hame bahut sari free template milti hai, jinme se koi ek ham apne blog ke liye select kar sakte hai.

Blogger blogspot me Language change karne ka option hota hai

free blog banane ke baad hamare blog ki language by default English hoti hai. Ham chahe to apni favorite language ko apne blog ke liye choon sakte hai. Agar ham hindi ko select kar le to hamare blog par show ho rahe sare option hindi language me hi show hone lagenge.

Blogger blogspot me Blog name aur blog url ko bhi change kar sakte hai

apna blog banane ke baad agar ham apne blog ke name aur url ko change karna chahe to ham kabhi bhi ye kaam badi aasaani se kar sakte hai. Jo log blog banate samai blogspot blog url ko jald bazi me wrong create kar dete hai, we usko baad me bhi jab chahe sahi kar sakte hai.

Blogger blogspot me Feedburner ko apne blog me add kar sakte hai

agar aap chahte hai ki hamare blog ko log subscribe kare aur hamare new post ki update visiters ke email inbox me jaye to aap feedburner ko apne blog ke sidebar me add kar sakte hai. Ye ek free service hoti hai.

Blogger blogspot me apne All blog data ka backup le sakte hai

yadi hame apne blog ko kisi dusri hosting me move karna ho to hame eske liye apne blog ke data ka backup lena padta hai. Blogger.com hame es ke liye ek backup option deta hai. Jis par click karke ham apne blog ke all data ka backup le sakte hai.

Blogger blogspot me Blog ko kabhi bhi delete kar sakte hai

yadi ham apne blog ko kisi karan se bhi delete karna chahte ho to aisa karne ke liye hame blog ko delete karne ka option milta hai. Blog ko delete karne ke baad ham 90 din ke andar apne blog ko restore bhi kar sakte hai.

Blogger blogspot me Unlimited data bandwith milta hai

jab hamara blog bahut famous ho jata hai to us par hazaro log rozana visit karne lagte hai. Agar hamne apne blog ke liye hosting buy ki hai to limit se zyada visitors aane par hamara blog band ho sakta hai. Lekin goggle ke blogger.com par run kar rahe hamare blog par chahe kitne visitors aaye, koi fark nahi padta. Aur blog sahi work karta rehta hai.

Blogger blogspot me ham pageview dekh sakte hai

Hamare blog par daily kitne pageview ho rahe hai ya ab tak total kitne page view ho chuke hai, ye ham bade easyli aone blog ke dashboard me overview option par click karke dekh sakte hai. Agar ham chahe to apne blog ke sidebar me  blog ke total page view public ko dikhane ke liye blogs status name ka gadget bhi add kar sakte hai. Es ki wajah se hamare blog par aane wala koi bhi visitors blog par huwe total pageview jan sakta hai.

Blogger blogspot me posts share karna bahut easy hai

Ham apne blog par post share kaise kare, eske liye blog dashboard  me posts ka option diya hota hai. Es option par click karke ham apne blog ke all posts ya draft posts ki details jan sakte hai. Aur kisi bhi post ko delete bhi kar sakte hai. Yahan par ek create a new post ka option bhi diya hota hai. Es par click karke ham ek new post likh sakte hai.

Blogger blogspot me pages create karna bhi bahut easy hai

Theek posts option ki tarah hi pages ka option bhi blog ke dashboard me diya hota hai. Jis par click karke ham apne all pages aur draft pages ki details jan sakte hai. Yahan se kisi bhi pages ko delet bhi kiya ja sakta hai. Aur yahin par create a new page ka option bhi diya hota hai. Jis par click karke ham ek new pages jaise about us, contact us, terms and codition, comment policy, privacy policy, ya disclaimer etc.. create kar sakte hai.

Blogger blogspot me kisi bhi comment ko publish, remove, delete ya spam kar sakte hai

Hamare blog ke kis post par kisne aur kya comment ki hai, ye ham blog dashboard me comments option par click karke jan sakte hai. Agar hamne comment moderation option ko enable kiya huwa hai to kisi bhi visitors ki comment hamari bina permition ke publish nahi ho sakti. Aisi commets, awaiting moderation wale option me save rehti hai. Jinhe blog admin apni marzi se publish, delete  ya spam kar sakta hai.

Blogger blogspot me apne blog ka status jan sakte hai

Kisi bhi blog admin ke liye apne blog ka status ki jankari rakhna bahut zaroori hota hai. Dashboard me diye status option par click karke ham apne kisi bhi blog ke pageview today, pageview yesterday, pageview last month, pageview all time history, aur followers ki sankhya jan sakte hai. Eske alawa ham ye bhi jan sakte hai ki hamare blog par kis country se kitna traffic sources aa raha hai.

Blogger blogspot me google adsense ke adds laga kar income bhi kar sakte hai

Blogger platform par run kar rahe hamare blog par ham google adsense ke adds bhi laga sakte hai. Aur blogging ke sath sath income bhi kar sakte hai. Par eske liye hame google adsense ke rules ko follow karna zaroori hai.

Blogger blogspot me ham apne blog ka ek favicon add kar sakte hai

Apne blog me ek favicon ko add karna blog ki identity ke liye zaroori hota hai. Yadi ham apne blog me ek favicon add kar de to us se hamre blog ko ek pehchan milti hai. Jab koi visitor apne compute ke browser me hamare blog ya website ko open karta hai to sabse ouper site name ke left me ye favicon show hota hai.

Blogger blogspot me blog ke header me ek image laga sakte hai

Aapne dekha hoga ki lagbhag sabhi blog aur wesite ke header me uske name wali ek image hoti hai. Jise alag alag design se banaya ja sakta hai. Aap bhi apne blogger platform par run kar rahe apne blog me ye header image laga sakte hai. Jise aap apne hisab se design kar sakte hai. Ye bhi blog ya website ki identity ke liye bahut zaroori hai.

Blogger blogspot me kisi special post ko highlight kar sakte hai

Agar ham kisi special post ko apne blog par highlight karna chahte hai, to ye bada easy hai. Blogger ke blog me hame ek featured post name ka gadget milta hai. Jise blog me add karne par ham kisi special post ko apne blog par show kar sakte hai. Jisse visitors aasaani se us post par visit kare.

Blogger blogspot me blog search gadget ko add kar sakte hai

Blog search gadget ko add karne se hamare blog par aane wale visitors blog se koi special post ya word search kar sakte hai. Jis se ounhe apne favorite topic par post easyli mil jati hai

Blogger blogspot me google plus profile ko add kar sakte hai

Apne blog me profile ko add karna bhi zaroori hota hai. Esse hamare visitors ye jan sakte hai ki es blog ka admin koun hai. Ham profile me kuchh apne bare me information bhi display kar sakte hai. Eske liye hame google plus profile me edit karna padta hai. Blogger par jo hamara name publish hota hai. Wo bhi wahi show hota hai jo hamne apni google plus profile me add kiya huwa hai. Kyuki blogger aur google plus dono google ke hi product hai.

Blogger blogspot me label add kar sakte hai

Agar hame blogging ke topic par 10 post likhni hai to ham oun 10 ki 10 post me blogging label add kar sakte hai. Es se hamare blog par visit karne wale visitors blogging label par click karke, aapke duwala likhi 10 ki 10 post aasani se padh sakta hai. Label ko blog par show karne ke liye label gadget ka use kiya jata hai.

Blogger blogspot me link list add kar sakte hai

Agar hame apne social sites ke accounts ya apni kisi website ya kisi special pages etc.. ka link apne blog par show karna ho to ham link list wedget ka use kar sakte hai. Es ke wajah se link list hamare blog par show hogi. En links par click karke hamare visitors direct dusre page par aasaani se visit kar sakte hai.

Blogger blogspot me text messages ko add kar sakte hai

Yadi hame apne blog ke visitors ko koi khas baat batani ho ya notice dena ho to hame text gadget ka use karna chahiye. Ham title aur apni baat ko text box me likh kar apne blog par show kar sakte hai.

Blogger blogspot me popular posts show kar sakte hai

Hamare blog par koun koun se posts sabse zyada popular huwe hai, ya koun se posts sabse zyada padhe gaye hai, eski automatic list ham apne blog par show kar sakte ha. Eske liye popular posts name ka gadget ko blog me add karna padta hai. Uske baad automatic popular posts ki list update hoti rehti hai.

Blogger blogspot me apne dusre blogs ki list show kar sakte hai

Agar hamare 1 se zyada blog ho to hame apne har blog me ek dusre ke link add karne chahiye. Jisse koi visitor hamare 1 blog se dusre blog par aasaani se ja sake aur use ye bhi pata lag sake ki hamare aur koun koun se blogs hai. Eske liye blog list gadget ka use karna padta hai.

Blogger blogspot me translate gadget ko add kar sakte hai

Yadi ham apne blog ko shudh hindi ya kisi dusri language me likhte hai to aapke blog ko sirf wo hi padh sakte hai jo aap ke blog ki language ko jante hai. Agar aap chahte hai ki aap ke likhe blog ko all word me koi bhi apni language me padh sake to aap apne blog par translat gadget ko add kar sakte hai. Eski help se aapke blog ki language ko kisi dusri language me convert kiya ja sakta hai.

Blogger blogspot me 1 se zyada blog admin bana sakte hai

Blog admin apne blog ka malik hota hai. Blog ko manage karne ka control blog admin ke hath me hi hota hai. Agar aap chahte hai ki aap ka koi family member ya aap ka koi close friend bhi aap ke blog ka admin bane, aur aap ke blog par post share kare ya har wo work kare jo aap kar sakte hai. To eske liye aap apne sath sath kisi dusre person ko bhi blog admin bana sakte hai. Blog admin banne ke liye ous dusre person ke paas bhi gmail ya google account hona zaroori hai.

Blogger blogspot me blog ka login account change kar sakte hai

Blogger platform par apne blog par post share karne ke liye hame sabse pehle blogger.com par login karna padta hai. Eske liye hame apna gmail address aur gmail password enter karna padta hai. Agar hamare paas 2 gmail account hai, aur ham apne dusre account par apna blog moov karna chahte hai. To hame aisa karne ke liye dusre gmail account ko admin banakar pehle gmail account  ko blog se remove karna hoga. Aisa karne se hamara blog dusre gmail address par move ho jayega. Aur blog ka login account change ho jayega.

To ye thi google ke blogger platform ya blogspot ki kuchh important khoobiyan. Enke alawa bhi blooger platform ki bahut khoobiya hai. Jiski wajah se ye blogging start karne ke liye sabse best choice hota hai.

Finally, Es post me hamne jana ki google ke blogger blogspot ya blogger.com platform par free blog banane ke fayde kya kya hote hai.