Google Gmail Account Ke Password Ko Bhool Jane Par Kya Kya Kare – internet users ko na jane kitni sites par apna account create karna padta hai. aaj internet par hazaro aisi websites hai, jinka use karna hamare liye zaroori hai. aur kuchh sites aisi hai, jinko use karna hamari lat ban gaei hai.
For example – social sites jaise facebook, twitter, google plus, linkedin, pinterest aur instagram etc.. ko use karne ki hame etni lat pad chuki hai, ki ham en par kaei kaei ghante tak bita dete hai. halanki hame aisa nahi karna chahiye. But, jab lat pad jaye to ouse chhudana thoda mushkil work hota hai.
Enke alawa email address, internet banking aur other online work ka use karna hamari zaroorat ban gaei hai. en sabhi ke accounts ko use karne ke liye hame ek strong password bhi create karna padta hai.
Jo log new internet users hote hai, we apne sabhi accounts ka password ek jaisa rakhta hai. jo ki hame nahi rakhna chahiye. Kyuki agar kisi ne hamare only 1 account ka password ko hack kar liye, to wo hamare sabhi sites par create kiye gaye accounts ko access kar sakta hai.
Esliye jo log internet ko bahut time se use kar rahe hai, we achchhi tarah jante hai ki hame apne alag alag site ke account ke liye alag alag password create karna chahiye. Jisse ki agar koei hacker hamare 1 account ka password hack kar le, to wo hamare other account tak na pahunch sake.
Jab ham internet par bahut sari sites par account create kar lete hai, aur ounke liye password bhi different rakhte hai, to ounko yaad rakhna bahut mushkil kaam hota hai. agar ham kisi site ko kuchh days tak login na kare, to ouska password bhi bhool jate hai.
Halanki.. ham bhoole huwe password ko kuchh simple steps follow karke reset kar sakte hai. sabhi sites, jin par hamara account bana hota hai, ‘forgot password’ ka option provide karti hai. jis par click karke ham apne account ke old password ko reset kar sakte hai. aur apne accounts ko doubara se access kar sakte hai.
Es post me main google gmail ke bhoole huwe password ko reset karna bataounga. Gmail, google ki service hai, jo ki ek free email service provider hai. jiska use karke ham all world me kisi bhi email address par mail send kar sakte hai. aur apne email address par mails ko receive bhi kar sakte hai.
Eske alawa, gmail id aur password ka use karke ham google ke other products jaise drive, photos, docs, search console, analytics, hangouts, google+, youtube, play store, aur blogger jaisi bahut sari services ko use kar sakte hai. google ki en sabhi services ko use karne wale internet users ka bahut sara important data google ke server me save rehta hai.
Agar kisi wajha se ham apna password bhool jaye ya koei hacker hamare account ko hack karle, to hame turant hi apne google account ke old password ko reset karke change kar dena chahiye. Aage ham esi ke bare me baat karenge, aur janege ki..
- Google account ke old password ko reset kaise kare?
- Gmail account ka password bhool jane par kya kare?
- Google gmail account ke password ko recover kaise kare?
- Gmail account ke hack hone par kya kare?
Google Gmail Account Ke Old Password Ko Bhool Jane Par Kya Kare
Gmail account ke password ko bhool jane par, ya google account ke hack ho jane par ham apne account ko easily recover kar sakte hai. aur apne old password ko reset kar change kar sakte hai.
Lekin eske liye sabse pehle hamare account me recovery phone aur recovery email address add hona chahiye. Jiske bare me main ‘google or gmail account ki security ke liye recovery email address aur phone number ko kaise add kare’ post me detail se bata chuka hun.
Agar aapne en dono recovery options ko apne gmail account me add kiya huwa hai. to aap easily apne bhoole huwe gmail password ko reset kar sakte hai. aur phir se google account ko recover kar sabhi services ko access kar sakte hai. chaliye jante hai ki google gmail account ke bhoole huwe old password ko reset kaise kare.
Step 1. Enter your email address
- Sabse pehle gmail ki website par visit kare. Aur login page par jakar, apne complete email address ko enter kare.
- Ab next ke button par click kare. Next ke button par click karte hi password enter karne ke liye ek new page open hoga.
Step 2. Forgot password
- Agar aapko apne google gmail account ka pasword yaad nahi hai, to ‘forgot password’ ke option par click kare. Click karte hi aapse last password ko enter karne ke liye kaha jayega.
Step 3. Enter your last password
- Ye option oun logo ke liye hota hai. jin gmail users ka account hack ho jata hai. aur hacker password ko change kar deta hai. agar aap apne old password ko jante hai, to yahan enter karke next ke button par click kare. Aur phir aage ke steps ko follow kare. Aap apne account ko recover kar sakenge.
- Agar aap ko last password yaad nahi hai. to ‘try another way’ ke option par click kare. Agar aapne recovery phone ko apne google account me add kiya hoga, to recovery phone number ke through password ko reset karne ka option show hoga.
Mobile Number Ke Through Google Gmail Password Ko Reset Kaise Kare
Step 1. Enter your mobile number
- Apni country ko select kare.
- Recovery mobile number ko enter kare.
- Aur phir send ke button par click kare. Send ke button par click karte hi hamare mobile number par 1 sms receive hoga. Jisme 6 digit ka 1 code hoga.
Step 2. Enter the code
- Sms me aaye code ko enter kare.
- Next ke button par click kare. Agar aapne code ko sahi sahi enter kiya hai, to password change karne ke liye ek page open hoga.
Step 3. Create a new password
- New password ko type kare.
- New password ko retype kare.
- Ab, change password ke button par click kare.
Change password ke button par click karte hi hamare gmail account ka old password reset ho jayega. aur ham new password ki help se apne google account ko use kar sakenge.
Email Address Ke Through Google Gmail Password Ko Reset Kaise Kare
waise to recovery mobile number ke through apne google account ke password ko reset karna sabse easy hota hai. but, recovery email address ke through bhi same process ko repeat karke ham apne gmail password ko reset kar sakte hai. bas, es process me hame mobile par sms ki jagah, mail me code receive hota hai.
es process ki zaroorat hame tab padti hai, jab hamare pass wo mobile number available na ho, jo hamne google account ke recovery option me set kiya huwa hai.
recovery email address ke through gmail password ko reset karne ke liye hame mobile wale option ko ignore karna hoga. Aur ous page par show ho rahe ‘i don’t have my phone’ ke opiton par click karna hoga.
- ‘i don’t have my phone’ ke option par click karte hi hame incomplete recovery email address show hoga.
- Send ke button par click karke ham code ko apne recovery email address par manga sakte hai. aur aage ke steps ko oupar bataye gaye steps ki tarah follow karke, apne google gmail account ke password ko easily reset kar sakte hai.
- Agar aap recovery email address ke through bhi apne gmail account ke password ko reset nahi karna chahte, to ‘try another way’ ke option par click kare.
Date Ke Through Google Gmail Account Ke Password Ko Reset Kaise Kare
Date ke through google gmail account ke password ko reset karne ki zaroorat hame tab padti hai, jab hamare gmail account me recovery phone number aur recovery email address add na huwe ho. Ya kisi ne hamare account ko hack karke ousme se recovery options ko delete kar diya ho.
- Sabse pehle, aap ne jis month me apni gmail id create ki thih, wo month select kare.
- Wo year select kare, jis year me aapne apni gmail id banaei thih.
- Ab, next ke button par click kare.
Agar aapne month aur year sahi sahi select kiye hai, to next ke button par click karte hi,ek new page open hoga. jisme code send karne ke liye google aapse koei aisa email address mangega, jo aapke gmail account ke contact me save ho. email enter karke next button par click karne ke baad code aayega. jiski help se ham aage ke simple steps ko follow karke hack huwe apne google gmail account ko easily recover kar sakte hai.
Aaj kal internet ke zamane me kisi account ka hack ho jane aur password bhol jane jaisi problems kisi bhi internet user ke sath aa sakti hai. esliye hame ye knowledge hona bahut zaroori hai, ki ham apne gmail account ke password ko reset aur account ko recover kaise kar sakte hai.
Kyuki, latest time me gmail aur google ki other services ko sabse zyada use kiya jata hai. yahan tak ki ham apni important information, photos, videos, aur documents, etc.. ko bhi google account me upload karke save rakhte hai. agar ham apne bhoole ya hack huwe google account ko recover na kar sake, to hamara kitna nuksan ho sakta hai, es baat ka andaza to aap khud hi laga sakte hai.
- gmail kya hai, id bananne ke fayde kya hai.
- gmail id kaise banate hai.
- google gmail account ko permanently delete kaise kare.
- delete ho chuke google gmail account ko recover kaise kare.
- google gmail account ke old password ko change kaise kare.
- google mail se new email, photo, video, aur documents send kaise kare.
- google mail par email, photo, video, documents aur personal data ko save kaise kare.
- google gmail account ki profile image ko add or change kaise kare.
- gmail ki all old emails ko peramanently delete kaise kare.
- google gmail account me recovery phone aur email kaise add kare.
I hope, es post ko read karne ke baad aap jaan gaye honge ki.. recovery mobile number, recovery email address aur date ka use karke google gmail account ke password ko reset kaise karte hai.
Meri Gmail I’d nhi open ho rhi hai.. please call kare
Bahut achi jankari hai sir.thanks