Gmail Account Recover Kaise Kare, Gmail ID Ko Recover Kaise Kare, Gmail Account ID Ko Recover Karne Ka Tarika Kya Hai – es post me mai aapko google gmail account id ko recover karne ke bare me bataounga. Esse pehle maine aapko bataya thah ki gmail par email id kaise banate hai, aur gmail se email, photo, video, documents, aur files ko send kaise karte hai.
Mere ek friend ne es blog par publish ho chuki ‘gmail account ko permanently delete kaise kare’ post padhi. Aur turant hi apne ek useless gmail account ko delete kar diya. Lekin kuchh der ke baad ouse yaad aaya ki jis gmail account ko ousne delete kiya hai, ousme kuchh important contact number available hai. wo bahut tention me aa gaya. Phir ousne mujhse contact kiya. Maine ouski es problem ko 5 minute me hi solve kar diya. Aur ouske delete ho chuke gmail account ko turant hi recover karke de diya.
Ouske baad mere friend ne ous gmail account par available important contacts number ko note karke doobara se apne gmail account ko delete kar diya. Mere friend ki hi tarah na jane kitne log aise hote hai jo apne useless gmail account ko delete kar dete hai. aur phir baad me afsos bhi karte hai. kyuki gmail account ke sath sath ounka kuchh important data bhi delete ho jata hai.
Bahut kam log jante hai ki gmail account ko delete karne ke baad bhi recover kiya ja sakta hai. warna maximum log yahi samajhte hai ki gmail account ko delete karne ke baad wo permanently delete ho chuka hai. aur ab ouse use nahi kiya ja sakta hai.
Lekin ye galat soch hai. google hame gmail account ko delete karne ke baad kuchh time provide karta hai. jiske andar, agar ham chahe to apne delete ho chuke gmail account ya google account ko recover kar sakte hai.
Ye process bahut hi easy hai. koei bhi ensan esko aasaani se kar sakta hai. agar aap bhi apne gmail account ko delete kar chuke hai. aur ous account par aapka important data available hone ki wajah se aap ous google account ko recover karna chahte hai, to es post ko carefully padhe. Kyuki es post me ham janenge ki delete ho chuke apne gmail account ya google account ko kaise recover karte hai.
Gmail Account Ko Recover Kaise Kare
Delete ho chuke apne gmail account ya google account ko recover karne ke liye hame sabse pehle gmail ki website par visit karna hoga. Aur login page par jakar apni ous gmail id ko enter karna hoga. Jis jo ham recover karna chahte hai.
Step 1. Enter your email address
- Google gmail account ke login page me sabse pehle hame apni delete ho chuki gmail id ko enter karna hoga.
- Ab next ke button par click karna hoga.
Next ke button par click karte hi ek error message show hoga.
Step 2. Attempt to restore this account
- Google gmail ke login page par delete ho chuke gmail address ko enter karne ke baad ‘this account was deleted’ ka error message show hoga.
- Hame ‘this account was deleted’ error message ke aage ‘attempt to restore this account’ ke link par click karna hoga.
Attempt to restore this account ke link par click karte hi ek new page open hoga. Jisme hame apne delete ho chuke gmail account ke password ko enter karna hoga.
Step 3. Enter the last password you remember
- Es page par apne gmail account ke password ko enter kare.
- Password ko enter karne ke baad hame next button par click karna hoga.
Next ke button par click karte hi hame ek success message show hoga.
Step 4. Success – you have undeleted your account
- Es page par hame ‘success – you have undeleted your account. Your entered your current password, so you can continue to your google account. You can still change your password if you want.’ Ka ek message show hoga.
- Message ko padhne ke baad hame ‘continue’ ke button par click karna hoga.
Continue ke button par click karte hi ham apne google account ke ‘my account’ page par aa jayenge.
Step 5. My account
- Es page par hame apne google account ki sabhi detail show hogi.
- Es chokor button par click karte hi hamare samne google ki sabhi apps open ho jayegi.
- Es apps me se hame agar gmail ko open karna hai, to ham ous ke icon par click karke open kar sakte hai.
Step 6. Gmail
Gmail ke icon par click karte hi hamara gmail account open ho jayega. es tarah se ham kisi bhi delete ho chuke google ya gmail account ko recover kar sakte hai. aur apne sare data ko wapas pa sakte hai.
Ab ham chahe to es google account ko phir se use kar sakte hai. agar use nahi karna hai. to apne important data ka es account se backup le kar es gmail ya google account ko phir se delete kar sakte hai.
Gmail Account Ko Delete Karne Se Pehle Kya Dhiyan Rakhe
Kuchh aise log, jinke paas 1 se zyada gmail account available hote hai. aur we sirf 1 hi google account ko zyada use karte hai, to ounke liye doosre gmail accounts useless ho jate hai. security reason ki wajah se ounhe apne useless google accounts ko delete karna padta hai.
Google ya gmail account ko delete karte time google hame apne delete kiye jane wale account ka backup lene ki suvidha provide karta hai. agar hamara kuchh important data es account par available ho to hame eska backup data ko download karke apne computer me save zaroor kar lena chahiye.
Lekin kuchh log aisa nahi karte. Aur jaldbazi me apne gmail account ko delete kar dete hai. jab ounhe kuchh dino ke baad ye yaad aata hai ki jis google ya gmail account ko ounhone delete kiya hai, ous par ounka kuchh important data bhi available thah. To we apne delete kiye account ko recover karne ki koshish karte hai.
Lekin tab tak bahut der ho chuki hoti hai. google hame apne account ko recover karne ke liye 60 days provide karta hai. ouske baad hamare through delete kiya gay google y gmail account permanently delete ho jata hai. aur phir ham apne account ko kabhi bhi wapas recover nahi kar sakte. Ous account par available sara data bhi permanently delete ho jata hai.
Esliye hame apne google ya gmail account ko delete karne se pehle ous account par available all data ka backup ko download karke apne computer, pen drive, ya cloud storage par save kar lena chahiye.
I hope. Es post ko padhne ke baad aap jan gaye honge ki delete ho chuke apne gmail ya google account ko recover kaise karte hai.
Sir please mera email accounts delete ho gya hai please us ko wapis chalu karwana hai meri important gmail id hai usi me mera pura document hai me bhut dino se pareshan ho rha hu please sir ji mare accounts ko kase bhi kar ke chalu kar dijiye please Sir ji mane bhut koshish kr li h fir bhi nahi ho raha hai
agar 30 days se zyada din ho gaye hai, to phir aap apne account ko recover nahi kar sakte. aur agar 30 din nahi huwe hai, to aap es post me bataye gaye steps ko follow karke apne gmail account ko recover kar sakte hai.
Nice article Bro aapne bahut achi or Useful Information share ki hai.
Sar mera gmail account galti se pta nhi kya hua ab kam nhi karta hai lagbhg 5 manth ho gaye har tarah se recover karne ki kosis ki magar recover nhi hota keval backup cod par rah jata hai backup cod mere pas nhi hai kyo ki maine 3 mobile badal diya sara data usi mai hai koi sahi saral step ystep tric bataye jisse mai khata recover kar saku
Kiya wah gmail koi or bana sakta hai ya nahi
Mai chahu to kiya wah ban sakta hai
Sir aap ek bar trie kariy plz
sir mera gmail account recover nahi ho raha raha raha raha hai mene har ek tip estamal kiya kiya aap kar sakte hai please recovery email dala phone number dala sab kuch kiya but nahi ho raha raha hai wahi dusra gmail ho ja raha hai cont 9973****** agar aap kar sakte hai to plz mere number pe cont kare esake liy jo vi aapka dam hoga ham dege plz me aapka utar ka etejar karuga cont 9973****** bahut logo se karaya sab fell huw
gmail account ko delete karne ke baad ousko recover karne ke liye google kuchh hi din deta hai. ouske baad ham apne gmail account ko kabhi bhi recover nahi kar pate.
Mera Account mere dushre mobile me tha aur vo kho gaya he aur mera ragistar nambar bhi band ho gaya he to mujhe apne naya number. He aur dushra naya mobile to mujhe mera account vapas Lana he pls help
aap apne recovery email ke through apne account ko recover kar sakte hai. aur agar old password yaad hai, to new device me ousse bhi login kar sakte hai.
Sir Maine 1mahine phahle email id band ho gayi hi use kaise dobara activate kre
Hello sir mera gmail Id password gmail sub yaad hai but Jo verification code kyu aara hai sir samaj nahi raha plz help me sir
aap apna password change karlo. ho sakta hai koei aapke account me login karne ki koshish kar raha ho. verification code tab aata hai, jab ham forgot password kare. ya 2 step verification ko enable karne ke baad login kare.
Password kaise change kare mobile mai 2step verification code on hai Jo muze malum nahi email ID recover kar raha Hu lekin verification code aaraha hai sir plz kuch to uppy bataye sir
verification code ko code box me enter kare. aur phir aage ki process complete kare
Ab Ye gmail account mai kya aara hai. Google doesn’t recognize that email matlab kya hai… Recover Hoga ya nahi plz help me.. Muze sirf gmail account ka app chahiye aur kuch nahi plz help me
Actually…step 3 krne k bad mere m kuchh or question a rha h…
Qué.._ ye h ki Apne Gmail account kB bnaya tha…& m enter kr rha hu to v Mera Gmail recover ni ho rha h
Actually…Mera Gmail recover hi nhi ho rha …plz help me
Uper diye huye step ko follow krne pr Maine password enter Kiya to success message aya hi nii ….
& Usme Gmail kB bnaya h Maine uska year & month puchhu rha h …kya kru