WordPress Vs Blogger Me Best Blogging Platform Koun sa Hai

WordPress Vs Blogger Me Best Blogging Platform Koun sa Hai : jab mai blog banane wala thah, to mai bahut confuse thah ki mai kis platform par apna blog banaou. Mere saamne 2 option theh. Ek to blogger.com par blog banana, aur doosra domain name aur web hosting khareedkar wordpress.org platform par blog banana. 3-4 din tak mai esi ke baare me sochta raha. Kabhi blogger par blog banane ka man karta, to kabhi wordpress.org par blog banane ka man karta. Confuse hona bhi lazmi thah, kyuki dono hi platform best hai. Aakhirkar maine blogger.com aur wordpress.org, dono hi platform par apna blog banaya.

Blogger.com par blog banana free hai aur wordpress.org par blog banane ke liye hame domain name aur web hosting leni padti hai. lekin maine blogger aur wordpress dono platform par hi free me apne blog banaye. Kyuki internet par ek aisi hosting provider company available hai. jo hame cpanel par single click me wordpress ko install karke wordpress.org platform par blog banane ke liye free me hi hosting, domain, aur email aadi ki facilities deti hai.

Aap bhi web hosting aur domain name ko khareede bina free me hi wordpress.org platform par apna blog bana sakte hai. WordPress aur blogger par blog banane ke baad maine en dono platform par lagbhag 1 month blogging ki. Aur es 1 month me mujhse jitne ho sakte theh maine outne experiments karke enka use kiya. En experiments aur experience ke aadhaar par mai ye post likh raha hun.

Agar aap bhi ye soch soch kar pareshan hai hai ki wordpress vs blogger me koun behtar hai, aur blogging karne ke liye best blogging platform koun sa hai. to es post ko carefully padhe. Kyuki es post me ham janege ki wordpres aur blogger me kya kya difference hota hai.

WordPress aur blogger me best blogging platform koun sa hai

Jab ham apna koei blog banana chahte hai, to blog banane ke liye internet par hame sabse famous blogging platform bloggrer.com aur wordpress.org me se kisi ek ko select karna hota hai. lekin new blogger hone ki wajah se hame enke baare me zyada knowledge nahi hoti. Aur blog banane se pehle hamare mind me en dono blogging platform ko lekar bahut se questions rehte hai, mai ounme se kuchh important questions ke answere ko es post me share kar raha hun.

WordPress aur blogger me easy platform koun sa hai

WordPress ki tulna me blogger platform bahut easy hai. lekin wordpress ko seekhne me kuchh time lag sakta hai. yahi wajah hai hai ki har new blogger blogging ko seekhne ke liye sabse pehle blogger.com par hi apna blog banana pasand karta hai. blogger blog me ham easily coding karke, ese customize kar sakte hai. wordpress me ye etna easy nahi hai.

WordPress aur blogger me free platform koun sa hai

Blogger par ham free me hi apna blog bana sakte hai. aur hame blogging karne ke liye kabhi bhi kisi ko paise dene nai padte. lekin wordpress par blog banane ke liye hame web hosting aur domain name  ko khareedna padta hai. kuchh hosting companies aisi bhi hai, jo wordpress par blog banane ke liye hame free me hi hosting aur domain provide karwati hai. lekin ounka use karke ham ek professional blog nahi bana sakte. Kyuki free plan me we hame zyada disk space  aur zyada bandwidth nahi deti.

WordPress aur blogger me kis platform ki security high hai

Security ki baat kare to blogger ki security bahut strong hai. kyuki blogger.com ek google ki service hai. aur google ki security bahut high hoti hai. esliye blogger.com par banaye gaye blog ko hack karna kisi bhi hacker ke liye easy nahi hota. Lekin wordpress ki security ka dhiyan hame khud hi rakhna padta hai. zara si bhi laparwahi hone par hamare blog ke hack hone ke chances badh jate hai.

WordPress aur blogger me seo friendly platform koun sa hai

Seo friendly platform ke mamle me wordpress se aage koei nahi hai. wordpress blog par post publish karne ke baad hamari post turant hi search engine me show ho sakti hai. lekin blogger ki post ko search engine me show hone me 2-3 days ka time lag sakta hai. esliye business ke liye banaye gaye maximum professional blogs wordpress platform par hi run kiye jate hai.

WordPress aur blogger me kiska customer support system best hai

Customer support ki baat kare to wordpress ka customer support system blogger se bahut zyada better hai. ham wordpress.org platform par blog banane ke liye jis hosting provider company se hosting aur domain khareedte hai. ham ous company ke customercare number par call karke easyli aur immediately help le sakte hai. lekin blogger se customer support lene ke liye hame ounko email karni padti hai. jiska reply milne me 10-15 days ya 1 month bhi lag sakta hai.

WordPress aur blogger me kis platform ke features zyada hai

Features ke mamle me bhi wordpress, blogger se bahut aage hai. blogger me ham limited features hi use kar sakte hai. lekin wordpress me hame unlimited features use karne ki facility milti hai. plugins ka use karke ham wordpress blog me kitne bhi features add kar sakte hai. ye ek self hosted platform hota hai. jiski wajah se wordpress.org par banaye gaye blog par hamara par full control hota hai. update ke mamle me bhi ye blogger se aage hai. wordpress me hame apne platform, themes, aur plugins aadi ke regular updates milte rehte hai.

Ye theh kuchh important difference, jinki wajah se blogger aur wordpress ko log apne apne liye select karte hai. en sab difference ko dekha jaye to meri advise yahi hai ki agar aap ek new blogger hai, to apna blog blogger.com par hi banaye. Kyuki es platform par blog banana easy aur free hai. yahan koei bhi ensan free blog banakar blogging ko seekh sakta hai. Aur phir baad me platform ko easily change bhi kar sakta hai.

Lekin agar aap business ke liye apna blog banana chahte hai, to phir wordpress.org par hi apna blog banaye. Kyuki ye platform search engine optimization (seo) friendly hai. yadi ham apni post seo friendly likhte hai, to hamari har post blog par publish karte hi search engine me show hone lag jati hai. ye sabse badi wajah hai jiski wajah se wordpress platform ko pasand kiya jata hai. All world me lagbhag 20% blogs aur websites wordpress.org platform par hi banaei gaei hai. jinme se www.abcbig.com bhi ek hai.

Finally, es post me hamne jana ki wordpress aur blogger me best blogging platform koun sa hota hai, aur wordpress.org aur blogger.com me kya kya difference hota hai.