WordPress Web Hosting Ke Cpanel Ka Full Backup Kaise Le

WordPress Web Hosting Ke Cpanel Ka Full Backup Kaise Le – koei website owner din raat mehnat karke, kitni mushkil se articles likhta hai, eske  bare me ek site owner hi jaan sakta hai. yadi koei ouski site ko hack karke sare articles ko permanently delete karde, to admin par kya beetegi, eska andaza aap khud laga sakte hai.

Internet par koei bhi cheez safe nahi hai, kab hame virus, fishing, hacking, etc.. problems se samna karna pad jaye, kaha nahi ja sakta. Esliye, mostly sabhi site owners apni apni site ke full backup ko download karke local system ya cloud me save rakhte hai.

Jisse agar ounke sath koei hadsa hota hai, to we wapas apni site ke backup ko upload karke, apni site ko restore kar sakte hai. hamara blog or website, chahe blogger platform par ho ya wordpress platform par, hame ouska regular backup lete rehna chahiye.

We bade bloggers, jo apni site ke liye sabhi tarah ki security ka khayal rakhte hai, aur apni site par tarah tarah ke security plugins ka use karte hai. ounme se bhi kaei logo ki site hack ho chuki hai. esliye aap khud andaza laga sakte hai ki internet par security karne ke bawajood bhi hame virus aur hacking jaisi problem ka samna karna pad sakta hai.

Agar aap ek site owner hai, aur regular apni site ka full backup lete rehte hai. tab aapko apni site ke hack ho jane, ya content delete ho jane par zyada tension lene ki zaroorat nahi hoti hai. kyuki aap apne backup ko wapas upload karke, apni site ke all content ko restore kar sakte hai. aur kuchh hi time me apni site ko live kar sakte hai.

Lekin, agar aap ke paas backup available nahi hai, to aap chah kar bhi apni site ko restore nahi kar sakte. Aur aap ki kaei salo ki mehnat bekar ja sakti hai. bahut se site owners ke sath aisa huwa hai, jinki site hack hoei, aur we backup na hone ke wajah se doubara apni site ko restore nahi kar sakte.

Esliye aaj es post me main aapko ‘cpanel se wordpress site ka full backup kaise le, aur full backup ko cpanel se download kaise kare’ ke bare me bata raha hun.

WordPress.org ek aisa platform hai, jis par all world ki lagbhag 25% websites create ki gaei hai. ye sabse zyada popular esliye hai, kyuki ye ek self hosted platform hai, aur hame sabhi tarah ki aazadi deta hai. ham apni site ko jaise chahe waise customise kar sakte hai. aur apni site ko virus aur hackers ke attack se bachane ke liye high se high security plugins ka use kar sakte hai.

Lekin eske bawajood bhi hame apni site ka full backup, regular lete rehna bahut hi zaroori hota hai. to, chaliye jante hai ki bina plugin ke cpanel se wordpress blog website ka full backup kaise lete hai.

WordPress Blog Website Ka Web Hosting Ke Cpanel Se Full Backup Kaise Le

WordPress.org ek self hosted platform hai, jis par domain aur hosting ki help se koei blog ya website ko banaya jata hai. es platform par high security plugins hone ke baad bhi hame kabhi kabhi kuchh problems ko face karna pad sakta hai.

Virus attack, hacking, database corrupt, hosting shut down, data delete, etc.. problem ki wajh se hamari site se all content permanently delete ho sakta hai. esliye en sabhi issue se bachne ke liye hame regular apni site ka backup lete rehna chahiye.

• wordpress blog website ka backup automatically kaise le google drive me

Mainly, wordpress database aur wordpress-content folder ka backup hamare liye sabse zyada important hota hai. jinka backup lene ke liye wordpress platform par bahut sare free plugins avilable hai.

Lekin agar ham web hosting ke cpanel se full website bakup ko download kare, to hamare liye  sabse best rehta hai. kyuki cpanel se full backup lene par hamare pass, ous hosting me hosted all sites ke database, email, ssl, all folder (wp-admin, wp-content, wp-includes), aur all files (.httaccess, robot.txt, index.php, config.php, login.php, settings.php, signup.php, etc..) ka backup mil jata hai.

WordPress Blog Website Ka Web Hosting Ke Cpanel Se Full Backup Ko Download Kaise Kare

Agar aapne kisi hosting provider company se web hosting purchase karke, ousme apni sites ko host kiya huwa hai, to apni all sites ka cpanel se full backup lekar download karne ke liye neeche bataye steps ko follow kare.

Steps 1. Cpanel Me Login Kare

1. Cpanel username enter kare
2. Cpanel password enter kare
3. Login ke button par click kare

Step 2. Backup Option Par Click Kare

Login ke button par click karte hi ham apni hosting ke cpanel me login kar jayege. Yahan hame cpanel me available all option show hone lagenge. Ab, ‘files’ section ke andar ‘backup’ button par click kare.

Step 3. Download A Full Website Backup Ke Button Par Click Kare

Backup button par click karte hi ek new page open hoga, jis par ‘download a full website backup’ ka ek button show hoga. Es button par click kare. ‘download a full website backup’ ke button par click karte hi, ek new page open hoga. Jis par hame backup ko generate karna hoga.

Step 4. Backup Ko Generate Kare

1. Backup destination ke box me ‘home directory’ ko select kare.
2. Email address me apni ‘email id’ ko enter kare.
3. ‘generate backup’ ke button par click kare.

Step 5. Go Back Ke Button Par Click Kare

Generate backup ke button par click karte hi backup progress start ho jayega. Aur hame ‘full backup in progress… once the full backup of your account has been completed, you will receive an email at the address you specified.) message show hoga.

Es message ko read kare, aur 2-3 minutes ka wait kare. 2-3 minutes complete hone ke baad ‘Go Back’ ke button par click kare.

Step 6. Backup Ko Download Kare

Go backup ke button par click karte hi hame ‘backups available for download’ ke neeche backup file ka ek link show hoga. Es link par click karke ham easily apne wordpress sites ke full cpanel backup ko local system me download kar sakte hai.

Ham chahe to en steps ko follow karke daily cpanel ke full backup ko manually apne computer or laptop me download karke safe rakh sakte hai. agar ye backup hamare paas available hai, to phir chahe hamari site ko koei bhi nuksan ho, ham ouse kuchh time me pehle jaisa kar sakte hai.

I hope, es post ko read karne ke baad aap jaan gaye honge ki wordpress blog website ka web hosting ke cpanel se full backup kaise lete hai. aur wordpress sites ka hosting ke cpanel se full backup ko download kaise karte hai.